O’z biznesingizni internet tarmog’i orqali reklama qilib, daromadingiz va mijozlar sonini oshirmoqchimisiz? Unda siz to’g’ri manzilni tanladingiz! Mahsulot yoki xizmat turini reklama qilishda siz SEO xizmati yoki Google reklamani tanlashingizga to’g’ri keladi. Ulardan qaysi biri samarali va hamyonbop ekanligi, bir-biridan farqi haqida SoftMedia internet reklama agentligi sizga batafsil tushuncha beradi.

SEO nima?

SEO veb-saytingizni va uning tarkibini optimallashtirish orqali qidiruv tizimining yuqori o’rinlariga olib chiqishnianglatadi. Ya’ni internet foydalanuvchilari siz taklif etayotgan mahsulot va xizmatni izlaganlarida ularga sizning veb saytingiz yoki veb sahifangiz taklif etiladi. Buning uchun kerakli kalit so’zlar va iboralarni kiritish, ichki havolalar kabi optimallashtirish usullaridan foydalaniladi. Yaxshi optimallashtirilgan veb saytlar qidiruv tizimlari reytingining yuqori o’rinlarini egallab mijozlar oqimi va daromadning o’sishini kafolatlaydi.

To’g’ri amalga oshirilgan SEO xizmati yordamida sizning kompaniyangiz ham qidiruv tizimida huddi ushbu misoldagi kabi old o’rinlarda bo’ladi.

Shuni ham bilishingiz muhimki, siz ushbu old o’rinlarni egallashni pulga sotib ololmaysiz. Qidiruv tizimi saytingizning sifati va dolzarbligiga ko’ra uni tanlaydi. SEO xizmati bu kabi jihatlarni hisobga olgan holda biznesingizning internetdagi SEO targ’ibotini amalga oshiradi.

Google reklama nima?

Google reklama, ya’ni Google ADS – bu har bir bosish, klik (PPC) uchun to’lov amalga oshiriladigan reklama platformasi bo’lib, potensial mijoz topish imkonini beradi.

Google reklamaning bir necha turlari mavjud:

• Qidiruv tizimidagi Google reklama. Bunda matnli e’lonlar qidiruv tizimining yuqori qismida paydo bo’ladi. Ushbu e’lonlar odatdagi qidiruv natijalariga o’xshash bo’lsa-da, ularda «reklama» yorlig’i mavjud;

• Xaridlar Google reklamasi. Ushbu e’lonlar qidiruv tizimining yuqori qismida turli markalardagi mahsulotlar tasvirlari bilan aylanma ko’rinishda paydo bo’ladi. E’lonlarda narxlar ham ko’rsatilib, mijozlar bir turdagi mahsulotlarni solishtirib ko’rish imkoniyatiga ham ega bo’ladilar;

• Google reklama mahalliy xizmatlari. Mahalliy xizmat reklamalari ko’proq potensial mijozlarni jalb etishni maqsad qilgan santexniklar, gilam tozalash va shu kabi xizmat ko’rsatuvchi kompaniyalarga mo’ljallangan. Ular Google reklama xaridlarga o’xshash bo’lib, bunda kompaniya haqidagi xizmat ma’lumotlari joylanadi

Google reklama turida siz biznesingiz uchun kalit so’zlar tanlaysiz va ushbu kalit so’zlar uchun to’lov amalga oshirasiz. Shunda qidiruv tizimida sizning reklamangiz paydo bo’ladi. Reklamada ko’rsatilga mahsulot yoki xizmat turi e’loniga mijozlar har bir tugmachani bosganlarida ma’lum mablag’ yechib olinadi. Reklamalar muddati va tezligi mablag’ingizga bog’liq bo’ladi.

Siz SEO xizmati va Google reklamaning bir-biridan farqini bilib oldingiz. Endi biznesingiz uchun ulardan qay birini tanlashingiz to’g’ri bo’lishini ham aniqlab oling. Demak, ularning yutuq va kamchiliklarini ko’rib chiqamiz.

SEO Afzalliklari

1. Qidiruv tizimida yuqori o’rinlarni zabt etish imkoniyati. Kalit so’zlar va kalit iboralar yordamida veb sayt yoki sahifangizni qidiruv tizimining yuqori o’rinlariga olib chiqish orqali muvaffaqiyatni kafolatlaysiz;

2. Google reklamadan farqli ravishda mablag’ingiz tugashi bilan reklama to’xtab qolmaydi. SEO xizmati qidiruv tizimlaridagi reytinglarning yuqori o’rinlarini zabt etgach, egallagan o’rni uzoq muddat saqlanib qoladi. Bu vaqt davomida sizning biznesingiz ham mijoz va daromad keltirishda davom etadi. SEO xizmatining aynan ushbu jihati aksariyat marketologlarni jalb etadi;

3. Narxning hamyonbopligi. SoftMedia web-studiyasi biznesingiz turiga ko’ra to’g’ri kalit iboralarini qo’llab, eng qisqa muddat ichida mijozlaringiz sonini ortishiga va’da beradi. Google reklamada ham siz huddi shu natijaga erishishingiz mumkin. Ammo buning uchun kamida 10 barobar ko’proq mablag’ sarflashingizga to’g’ri keladi;

4. Xaridlar ehtimolining balandligi. SEO xizmati internet foydalanuvchilarini sizning veb sahifangiz yoki saytingizga yo’naltiradi. Internet sahifangizga kirgan mijoz nafaqat aynan qidirgan mahsulotini ko’radi, balki boshqalari bilan ham tanishadi. Bu o’z o’rnida xarid qilish ehtimolini oshiradi.

5. Moslashtirilgan SEO xizmatining mavjudligi. Bunda har bir buyurtmachi uchun moslashtirilgan strategiya ishlab chiqiladi. Tabiiyki sizning xohish-istaklaringiz ham inobatga olingan holda SEO targ’iboti amalga oshiriladi.

6. Ortiqcha ovoragarchiliklardan xalos bo’lasiz. Siz SEO xizmatiga buyurtma bergach, Google reklamadagi kabi reklamalaringizni doimiy ravishda nazorat qilish va yangilab turishga muammosidan qutulasiz.

GOOGLE ADS Afzalliklari

1. Tez natija ko’rsatadi. Siz o’zingiz xohlagan reklama platformasini tanlashingiz va darxol reklamangizni ishga tushurishingiz mumkin;

2. Targeting sozlanmasi mavjud. Google reklama yordamida siz har xil turdagi ma’lumotlarni (demografiya, geografiya va boshqalarni) sinab ko’ra olasiz. Ya’ni siz kerakli mijozlar uchungina pul to’lashingiz mumkin;

3. Tajribalar o’tkazishdagi tezkorlik. Kontekstli reklama berishdan maqsad tezkor teskari aloqa hisoblanadi. Siz reklama bergach, turli tajribalar o’tkazib, nima foyda keltirayaptiyu, nima keltirmayotganini aniqlab olishingiz mumkin.

SEO Kamchiliklari

SEO xizmatining yagona kamchiligi uning vaqt talab qilishida. Ammo yuqorida aytib o’tganimizdek, ushbu muddat ichida erishilgan yuqori natijalar keyinchalik uzoq muddat saqlanib qoladi va daromad keltirishda davom etadi.

GOOGLE ADS Kamchiliklari

1. Narxning qimmatligi. Agar siz sug’urta kompaniyasi kabi raqobat yuqori bo’lgan sohada faoliyat yuritsangiz, Google reklama sizga qimmatga tushishi aniq.

Masalan, siz «avtomobilni sug’urtalash» kalit so’zini kiritdingiz, bunda ushbu reklama tugmachasini bir marta bosish sizga o’rtacha 40 dollarga tushadi;

2. Oradan vaqt o’tishi bilan reklama samaradorlikni yo’qotadi. Reklama qancha uzoq davom etsa, shunchalik samarasizga aylanadi. Internet foydalanuvchilari sizning reklamalaringizni tez-tez uchratadilar. Natijada reklamaga ko’zi o’rganib, hatto qayta-qayta bitta reklamani ko’rish ularni asabiga tega boshlaydi.
Buning oldini olish uchun siz reklamalardagi rasmlar va matnlarni doimiy ravishda yangilab borishingiz zarur bo’ladi.

3. Daromad olish uchun pul yo’qotishga ham to’g’ri keladi. Reklama berish orqali daromadga ega bo’lish uchun yaxshigina sarmoya kiritish kerak. Reklamangizni optimallashtirish borasida qaror qabul qilguningizcha yoki turli tajriba va sinovlar orqali samaradorlikni aniqlaguningizcha dastlabki bir necha oy ichida pul yo’qotasiz.

SoftMedia web-studiyasiga SEO xizmati uchun buyurtma bergan mijozlar fikrlari

– Zavodimizning O’zbekiston bo’ylab tanilishini xohlagandik. Bu biz uchun muhim edi. Shu sababli SoftMedia web-studiyasi mutaxassislariga murojaat qildik. Ular yordamida bizning «Imperial Granit» brendimiz nafaqat yurtimizda, balki dunyo bo’ylab mashhurlikka erishdi.
Saytimizni Googlening yuqori o’rinlarida ko’rib, SEO xizmatiga ketgan mablag’im o’zini oqlaganiga amin bo’ldim.

Muzaffar, Kompaniya rahbari Imperial Granit

– Ishlab chiqarish hajmining ortib borishi bilan zavodimiz uchun munosib veb-sayt yaratish zaruriyati ham paydo bo’ldi. Faqat internet-do’kon ochishning o’zi bilan cheklanib qolish samarasiz ekanligini yaxshi tushungan holda SoftMedia agentligidan do’konimizning SEO-targ’ibotini ham amalga oshirishni so’radik. Web-studiyaning internet-do’konimiz saytini yaratish va uning SEO xizmatini ham amalga oshirganlaridan juda mamnunmiz. Natijalar a’lo!

Muhriddin, Gips ishlab chiqarish zavodi Bosh marketologi

SEO xizmati va Google reklama: taqqoslash

SEO xizmati va Google reklama – bu internet orqali o’z biznesingizni rivojlantirishning turli yo’nalishlari hisoblanadi. Asl maqsadi bir bo’lgan bu ikki yo’nalish aslida bir-biridan butkul farq qiladi.

Quyida siz jadval ko’rinishida SEO xizmati va Google reklamasini taqqoslash imkoniyatiga ega bo’lasiz.

Funksiyalari	SEO xizmati	Google reklama
Trafik	Trafik doimiy ravishda ishlaydi	Trafik faqat reklama amalga oshirilganda ishlaydi
E’lon tugmasini bosish narxi	Bepul	Har bir reklama tugmasini bosish uchun pul to’laysiz
Natijalar tezkorligi	Vaqt talab qiladi	Darxol ishga tushadi
Natijalar davomiyligi	Davomiylik cheklanmagan	Xisobingizda mablag’ qolmagach, darxol yakunlanadi
Narxlar	Nisbatan arzon	Nisbatan qimmat

SEO xizmati va Google reklama: Biznesingiz uchun qaysi biri eng yaxshisi?

Avvalo shu aytib o’tishimiz kerakki, SEO xizmati yoki Google reklama borasida tanlovingiz bir qancha omillarga bog’liq. Ulardan birini tanlashda biznesingiz turi, yo’nalishi va kelajakdagi rejalaringizni aniqlab olishingiz lozim.

Quyida bir necha biznes turlari va ularga tavsiya etilgan xizmat turlari bilan tanishasiz:

• Agar siz yangi startap egasi bo’lsangiz va reklama uchun sarflashga mablag’ingiz bo’lmasa, u holda aynan SEO xizmati sizga mos keladi. Chunki endigina o’z biznesini boshlagan yangi tadbirkor uchun Google reklamasiga murojaat qilish qimmatlik qilishi tabiiy. Internet reklamasi borasidagi tajribasizlik ham sizga qarshi ishlashi mumkin;

• Mahsulotingiz innovatsion bo’lsa, demak siz kontekstli reklama, ya’ni Google reklamadan foydalanganingiz ma’qul. Chunki mijozlar o’zlariga notanish bo’lgan mahsulot yoki xizmat turini qidiruv tizimidan izlamaydilar. Avvalo ularga ushbu innovatsiya haqida ma’lumot berish zarur;

• Mijozlar uchun taklif yoki mahsulotingiz bir martalik bo’lsa, masalan bir martalik tadbir o’tkazishga tayyorgarlik ko’ryapsiz. Bunda ham SEO xizmatiga murojaat qilish to’g’ri qaror emas. Mahsulotingiz yoki xizmatingiz to’g’risida xabardorlikni oshirish uchun ijtimoiy media kontekstli reklamasidan foydalanganingiz yaxshi;

• Siz uzoq muddatli biznes turining egasimisiz? Agar internet do’kon, o’quv kurslari, turizm, tibbiy xizmatlar kabi biznes yo’nalishi egasi bo’lsangiz, SEO xizmatiga buyurtma bering. Chunki bu kabi uzoq muddatli biznes turning internet reklamasi orqali daromad olishda aynan SEO xizmati samarali hisoblanadi. Sizda biznesingizni rivojlantirish uchun vaqt yetarli. Aynan SEO xizmatiga murojaat qilsangiz, reklama uchun katta mablag’ ham sarflamaysiz.

• Raqobat yuqori bo’lgan biznes turi bilan shug’ullansangiz, u holda ham SEO xizmatidan foydalanganingiz ma’qul. Chunki Google reklamadan foydalanganda yuqorida aytib o’tganimizdek, mijoz jalb etish siz uchun juda qimmatga tushishi mumkin.

Demak, reklama uchun kattaroq miqdorda mablag’ingiz bo’lsa hamda bir martalik xizmat va mahsulotlarni sotishni rejalashtirgan bo’lsangiz Google reklamadan foydalanganingiz ma’qul. Ushbu strategiya tezkor natijalarni ko’rishni va aksiyani boshlashlari bilanoq o’z sa’y-harakatlarini kuzatib borishni istagan kompaniyalar uchun mo’ljallangan. Ammo bunda reklamalarni doimiy nazorat qilib borish zarurligini unutmang.

Agarda uzoq yillar mobaynida daromad keltirishi ko’zda tutilgan biznes turini tanlagan bo’lsangiz, u holda SEO xizmati siz uchun ayni muddao. Bunda reklamaning doimiy nazorati va pulingiz tugashi bilan reklama ham to’xtatib qo’yilishi kabi muammolarga duch kelmaysiz. Kalit so’zlar yordamida qidiruv tizimlaridagi egallagan pozitsiyangiz uzoq muddatli va ishonchlidir. Qolaversa, vaqt o’tishi bilan mijozlaringiz soni ortib borishi ham kafolatlanadi.

SEO va Google reklamani birgalikda ham qo‘llash mumkin

SEO xizmati va Google reklama bir-biriga raqobatchidek ko’rinsada, ularni birgalikda qo’llash ham mumkin. Aksariyat marketologlar reklama kampaniyasini yuritishda bir vaqtning o’zida SEO xizmati va Google reklamadan foydalanishni maslahat beradilar. Bu potensial mijozlarni jalb etish va ularning qamrovini kengaytirishga yordam beradi.

SEO xizmati vaqt o’tishi bilan doimiy trafik oqimini yaratish yoki tovar, xizmat haqida mijozlar xabardorligini oshirishga ko’maklashadi. Ushbu strategiya odamlarga sizning brendingizni topishga va o’rganishga imkon beradi. Biroz vaqt va kuch sarflab, siz o’z saytingizni qidiruv tizimlari uchun optimallashtirishingiz va biznesingizga ko’proq trafikni jalb qilishingiz mumkin bo’ladi.

Google reklama esa SEO xizmatiga ko’maklashgan holda kalit so’zlari va iboralarining samaradorligini tekshirish, tezkor teskari aloqa kabilarni kafolatlaydi.

Ikkala usul ham qidiruv natijalarida sizning ko’rinishingizni yaxshilaydi, shuning uchun ulardan raqamli marketing strategiyangizda foydalanish brendingizning onlayn salohiyatini maksimal darajada oshiradi.

SEO xizmati va Google reklamadan birga foydalanganingizda, quyidagilarga erishasiz:

• Brendingiz mashhurligi ta’minlanadi. SEO xizmati va Google reklamasi internet tarmoqlaridagi mashhurligingizni ikki barobar oshiradi;

• Trafikni oshirasiz. SEO va Google reklamani birlashtirish qimmatli trafikka ega bo’lish uchun eng yaxshi imkoniyatdir. Google reklama sizga trafikni tezkor ravishda yaratishda yordam bersa, SEO xizmati bilan trafikni uzoq muddat ushlab qola olasiz. Bir vaqtning o’zida ikkala strategiyadan foydalanish ham uzoq muddatli, ham qisqa muddatli trafikdan maksimal darajada foydalanish imkonini beradi;

• SEO xizmatini optimallashtirish uchun Google reklama kalit so’zlaridan foydalanish mumkin. Google reklamadan foydalanib, SEO xizmati uchun kalit so’zlar taklif qilish mumkin. Bunda ushbu kalit so’zlar yanada keng qo’llaniladi. Bundan tashqari, Google reklamasi orqali kalit so’zlarni sinab ko’rish SEO xizmati uchun qaysi kalit so’zlar samaraliroq ekanligini aniqlashga yordam beradi.

Biznesingiz kelajagi sizning tanlovingizga bog’liq!

Biznesingizning kelgusida yaxshi daromad keltirishi yoki inqirozga uchrashi sizning tanlovingiz natijasiga bog’liq

SEO xizmati yoki Google reklamani o’z biznesingiz turiga ko’ra tanlang!

2009-yilda DropBox kompaniyasi ham huddi shunday vaziyatga tushgan. Ular sinov tariqasida reklama uchun Google reklamani tanlashadi. Tez orada o’z mahsulotlarini sotish ularga 233-388 AQSH dollariga tushayotganini aniqlashadi. Achinarlisi, ularning mahsuloti atiga 99 AQSH dollari turardi. Reklama xarajatlari mahsulot narxidan ancha qimmatga tushgan.

Hamyonbop va uzoq yillar daromad keltirishi kafolatlangan SEO xizmatini tanlashda ham siz aynan bu ishning mutaxassislariga murojaat qilishingiz muhim. Aynan SoftMedia web-studiyasi bu borada ko’p yillik tajriba va yetuk mutaxassislarga ega.