Texasda o‘rmon yong‘inlari 200 ming gektardan ortiq maydonni qamrab oldi. Bu shtat tarixidagi ikkinchi yirik yong‘in bo‘ldi, deya xabar beradi CNN.

Texasda 60 okrugda tabiiy ofat e’lon qilindi. Yong‘in Oklaxomaga ham tarqaldi. Yong‘in hali ham bartaraf etilmagan. Qurbonlar haqida ma’lumotlar yo‘q.

Yaqin atrofda tarqalayotgan o‘rmon yong‘inlari tufayli Texasdagi Pantex yadroviy qurol yig‘ish zavodi faoliyatini to‘xtatdi. Kompaniya xodimlari evakuasiya qilingan. Yaqin atrofdagi hududlar va aholi punktlari aholisi ham evakuasiya qilinmoqda.

Kuchli shamol va quruq, mavsumga xos bo‘lmagan issiq ob-havo sharoiti tufayli kuchaygan olov juda tez harakat qilmoqda.

Amerika ommaviy axborot vositalarining yozishicha, hozirgi yong‘inlar ko‘lami o‘tgan yilgi tabiiy ofatdan oshib ketgan.


Manba: www.aniq.uz