Avstriyada aholi punktlari ko‘chalari bo‘ylab ruxsat etilgan tezlikdan soatiga 80 kilometrdan, shahar tashqarisida esa 90 kilometrdan ortiq tezlikda harakatlangan haydovchilar avtomashinalari endi musodara qilinadi. Avtomobil keyinchalik kimoshdi savdosida sotiladi. Mamlakatda 1 mart, juma kunidan tezlikni oshirganlik uchun bunday jazolarni nazarda tutuvchi qoidalar kuchga kirdi. Bu haqda Kun.uz xabar berdi.

Umumgerman avtomobil klubi (ADAC) ogohlantirganidek, tezlikni oshirganligi uchun sudlangan haydovchilar, hatto aholi punktlarida tezlikni 60 km/soatdan ortiq va undan tashqarisida 70 km/soatdan ortiq tezlikda harakatlansa ham jazolanadi.

Agar mashina haydovchiga tegishli bo‘lmasa, u 14 kunga vaqtinchalik musodara qilinishi mumkin. Bu ijaraga olingan yoki lizingga olingan transport vositalariga ham tegishli.

Avstriya 2021 yilda tezlikni oshirganlik uchun jarimalarni sezilarli darajada oshirdi. Ruxsat etilgan chegaradan 30 km/soatga oshib ketgan haydovchilar endi kamida 150 yevro to‘lashi kerak. O‘ta og‘ir holatlarda va takroriy huquqbuzarlar uchun jarima 5000 yevrogacha chiqishi mumkin, deya ogohlantiradi ADAC.

Avstriya qonunlariga ko‘ra, og‘irligi 3,5 tonna bo‘lgan tirkamasiz yengil avtomashinaning aholi punktlarida ruxsat etilgan harakatlanish tezligi 50 km/soat, undan tashqarida esa 100 km/soatni tashkil qiladi.


Manba: www.aniq.uz