Ukraina qurolli kuchlari fevral oyining ikki haftasi davomida rossiyaliklarning 13 ta jangovar samolyotini urib tushirgani va bu urushning oldingi ikki oyi davomida urib tushirilgan samolyotlardan ancha ko‘proqligini ma’lum qilmoqda.

Ta’kidlash kerakki, fevral oyiga kelib rossiyaliklarning urib tushirilgan bortlari soni keskin o‘sdi. 17 fevraldan 29 fevralgacha bo‘lgan muddatda, Ukraina qurolli kuchlari qo‘mondonligiga ko‘ra, jami 13 samolyot urib tushirilgan.

Shu tariqa, Rossiya ikki hafta ichida 13 ta samolyotidan ayrilagn, shundan 10 tasi — Su-34 bombardimonchilari.

4-avlodga mansub bo‘lgan bunday samolyot raqibning quruqlik va havodagi nishonlariga raketa-bomba zarbalari yo‘llashga mo‘ljallangan. U aviasiya bombalari, jumladan KAB-1500 va KAB-500 rusumli yo‘naltiriluvchi bombalar bilan jihozlanadi.

Defense Express nashri ma’lumotiga ko‘ra, 2022 yil boshida Rossiyada Su-34 bombardimonchilaridan 100 ga yaqin va A-50 razvedkachi samolyotlaridan 9 ta bor edi.

Ukraina QK bosh shtabi ma’lumotiga ko‘ra, 29 fevral kuniga kelib Rossiya jami 345 ta harbiy samolyotini yo‘qotgan.
Manba: www.aniq.uz