Argentina prezidenti Xaviyer Miley avvalroq Rossiyadan olgan ikkita Mi-171E vertolyotini Ukrainaga topshirdi. Bu haqda Financial Times xabar berdi.

Miley «erkinlikni himoya qiluvchi mamlakatlar» bilan ittifoq tuzishni ma’qul ko‘radi, shu jumladan AQSH, Isroil va Ukraina bilan, deb yozdi nashr.

Argentina prezidenti joriy yilda Ukraina uchun «Lotin Amerikasining qo‘llab-quvvatlashi» sammitini o‘tkazishni rejalashtirayotganini aytdi.

Mi-171E sovet davrida ishlab chiqarilgan Mi-8 vertolyotining ko‘plab versiyalaridan biri bo‘lib, 1961 yilda birinchi parvozini amalga oshirgan. Argentina harbiy-havo kuchlariga Rossiyadan 2011 yilda yetkazib berilgan. Vertolyotlar asosan Argentinaning Antarktida stansiyalarini qo‘llab-quvvatlash, shuningdek, qidiruv-qutqaruv ishlarini olib borish uchun mo‘ljallangan edi.




Manba: www.aniq.uz