Islandiya hukumati mamlakat janubida vulqon otilishi xavfi tufayli Grindavik shahri aholisini evakuasiya qildi, deya xabar berdi RUV telekompaniyasi.

Mahalliy hokimiyat vakillarining aytishicha, evakuasiya muvaffaqiyatli o‘tgan. Qutqaruvchilar voqea joyida ishlashni davom ettirib, hamma shaharni tark etgan yoki yo‘qligini tekshirmoqda. Islandiya meteorologiya idorasi vulqon otilishi xavfini hisoblab chiqmoqda.

Grindavikdan yetti kilometr va Reykyavikdan taxminan 30 kilometr uzoqlikda Fagradalsfyadll vulqoni joylashgan. U 6 ming yil davomida harakatsiz deb hisoblangan. 2021 yil mart oyida vulqon otishni boshlagandi.






Manba: www.aniq.uz