Armaniston YEIga a’zo bo‘lish uchun kuzdan kechiktirmay ariza berishi kerak. Bu haqda Armanistonning «Hraparak» gazetasi bosh vazir Nikol Pashinyan bayonotiga tayanib xabar berdi.

Manbaga ko‘ra, hukmron partiya deputatlari bilan yopiq uchrashuvda Pashinyan G‘arb Rossiyadan ajralib, uni mintaqadan olib chiqish bo‘yicha amaliy qadamlar talab qilayotganiga, hozirgi vaziyatda Armanistonning talablarga rioya qilishdan boshqa chorasi yo‘qligiga shama qilgan.

Qayd etilishicha, bosh vazir jamoasining aksariyati bu masalada shoshqaloqlikka qarshi, shuning uchun Pashinyan mamlakat tashqi siyosatidagi o‘zgarishlar uchun xalqdan ishonch votumini talab qilib, konstitusiyaviy referendum o‘tkazmoqchi.




Manba: www.aniq.uz