AQSh va Kanadadagi bir qator sinagogalar Sharqiy Quddus va G‘arbiy Sohildagi noqonuniy yahudiy aholi punktlari hududlarida Falastin mulklarini sotish masalasini muhokama qilish uchun yopiq yig‘ilishlar o‘tkazdi.

Bu haqidagi ma’lumotlar AQSh jamoatchiligining noroziligiga sabab bo‘ldi.

Jumladan, Nyu-Jersi shtatining Englvud shahrida Texasdagi Keller Williams ko‘chmas mulk kompaniyasi tomonidan tashkil etilgan shunday uchrashuvlardan biriga qarshi norozilik namoyishi bo‘lib o‘tdi.

Falastin bayroqlari ko‘targan o‘nlab namoyishchilar, jumladan yahudiylar ham, yog‘ayotgan yomg‘irga qaramay, mahalliy Ahavat Tora ibodatxonasi yaqinida to‘planishdi. Namoyishchilar amerikalik sionist yahudiylarga noqonuniy aholi punktlaridan mulk sotilishini to‘xtatishni talab qilishdi.




Manba: www.aniq.uz