AQSh Kongressi Vakillar palatasidagi demokratlar Rossiyaning Starlink terminallaridan foydalangani sababli SpaceX kompaniyasiga nisbatan tergov boshladi.

Bu haqda The Washington Post xabar berdi.

Kongressmenlar Ilon Maskning kompaniyasi Rossiyaga to‘sqinlik qilish uchun tegishli xavfsizlik choralarini ko‘rgan yoki yo‘qligini tekshirmoqchi.

Ularning ma’lum qilishicha, bu Ukraina xavfsizligi, ukrainaliklar hayoti va AQSh milliy xavfsizligiga jiddiy tahdiddir.

Avvalroq, Ukraina Bosh razvedka boshqarmasi Rossiya Federasiyasi arab mamlakatlari orqali Ukrainadagi urushda foydalanish uchun Starlink terminallarini sotib olayotgani haqida xabar bergan edi.


Manba: www.aniq.uz