Panamadagi moziy bog‘ida hashamatli qilib bezalgan qadimiy qabr topildi, deb xabar berdi Al-Kano jamg‘armasi (El Caño Foundation) veb-sayti.

Tadqiqotchilar fikriga ko‘ra, dahma taxminan 1200 yil avval yashagan qabila yetakchisi Koklaga tegishli. Qabrdan marhumga qurbonlik qilingan, asosan, sopol, shuningdek dafn marosimi ajralmas qismi bo‘lgan tilla buyumlar topilgan.

Qimmatbaho xazina ichida 5 ta zebigardon, kit tishidan yasalgan 5 ta oltin qoplamali sirg‘a, 4 ta bilaguzuk, 2 ta munchoqli belbog‘, 2 ta qo‘ng‘iroq, turli shakldagi taqinchoqlar, marjon va boshqa tilla buyumlar bor. Arxeologlar ta’kidlashicha, topilma nafaqat moddiy, balki ulkan tarixiy ahamiyatga ham ega.






Manba: www.aniq.uz