Germaniya Mudofaa vaziri Ukrainaga qo‘shin jo‘natish borasidagi bahslarni to‘xtatishga chaqirdi.

"Ukrainaga haqiqatan ham hech kim qo‘shin jo‘natmoqchi emas, hozir bu haqda muhokamalar ketmoqda, biz buni hozirgi bosqichda to‘xtatishimiz kerak", — deya bunga izoh berdi Boris Pistorius Xelsinkiga tashrifi chog‘ida

"Hozirgi kunda hech kim qo‘shin yuborish tarafdori emas. Lekin hamma qurol, o‘q-dorilar va pul ko‘rinishida ko‘proq qo‘llab-quvvatlash tarafdori va biz hozir shu narsaga e’tibor qaratishimiz kerak", — deya Pistoriusning fikrini qo‘llab-quvvatladi Finlandiya Mudofaa vaziri Antti Xyakkyanen.

"Uzoq masofaga zarba beruvchi raketalar Ukrainadagi urushni hal qilmaydi, shuningdek, bu Germaniyaning urushga aralashishi xavfini oshiradi. Shu sababga ko‘ra, Taurus raketalari Kiyevga yetkazib berilmagan", — deya qo‘shimcha qildi Pistorius.




Manba: www.aniq.uz