Taniqli siyosatchi Kirill Timoshenko Ukraina mudofaa vazirining maslahatchisi bo‘ldi. Bu haqda Ukraina OAVlari Mudofaa vazirligidagi manbalarga tayanib yozmoqda. O‘tgan yili Zelenskiy idorasidan ishdan bo‘shatilgan Timoshenko bir necha haftadan beri yangi lavozimida ishlab kelayotgani xabar qilingan. U ommaviy axborot vositalari va kommunikasiyalar, shuningdek, Ukraina Qurolli kuchlarida yagona axborot dasturini yaratish uchun javobgardir. Avvalroq Ukraina ommaviy axborot vositalari Timoshenko Zelenskiyning ofisida ishlagan vaqtida o‘z mansab mavqeidan bir necha bor foydalangani, xususan, General Motors tomonidan Ukraina Qurolli kuchlari ehtiyojlari uchun berilgan Chevrolet Tahoe avtomobilini boshqargani haqida yozgan edi.










Manba: www.aniq.uz