AQSh Senati Kongress yuqori palatasi sentyabrgacha hukumatning bir qismini moliyalashtirish bo‘yicha qonun loyihalari paketini qabul qilishga muvaffaq bo‘ldi.

Uni 75 senator qo‘llab-quvvatladi, 22 nafari qarshi ovoz berdi. Endi qonun loyihalari to‘plami mamlakat prezidenti Jo Bayden tomonidan tasdiqlanishi kerak.

Qabul qilingan oltita qonun loyihasi 30 sentyabrda moliyaviy yil oxirigacha federal hukumatning ayrim qismlarini moliyalashtiradi. Shu jumladan, pullar qishloq xo‘jaligi, energetika va atrof-muhitni muhofaza qilish, uy-joy qurilishi, transport, faxriylar va adliya sohalaridagi ishlarni qo‘llab-quvvatlashga yo‘naltiriladi.

Sentyabr oyi oxirigacha hukumatni to‘liq moliyalashtirish uchun Kongress 22 martgacha yana oltita xarajatlar qonunini qabul qilishi kerak. Biroq, mudofaa, davlat va milliy xavfsizlikni moliyalashtirishni o‘z ichiga olgan ikkinchi paket bo‘yicha ovoz berish yanada qiyin bo‘lishi kutilmoqda.




Manba: www.aniq.uz