Bu haqda The Times xabar bermoqda.

"Buyuk Britaniyaning sobiq bosh vaziri oilasi bilan Dominikan Respublikasidagi ta’tili vaqtida yashirin ravishda kamida bir kun Venesuelaga borgan va Nikolas Maduro bilan uchrashgan. Jonson Venesuela rahbarini Ukrainadagi urushda Rossiyaga qurol yoki boshqa ko‘rinishda yordam berishining salbiy oqibatlarini muhokama qilgan.

"Shuningdek, uchrashuvda Karakas va London o‘rtasidagi munosabatlarni normallashtirish mavzusiga ham to‘xtalib o‘tildi. Buyuk Britaniya 2018 yilda ko‘plab qonunbuzarliklar bilan o‘tgan prezidentlik saylovi va norozilik namoyishlarining kuch bilan bostirilishi sababli Maduroni Venesuela rahbari sifatida rasman tan olmaydi", deb yozmoqda The Times.

Shu bilan birga, siyosatchilar Venesuela tomonidan da’vo qilinayotgan Gayananing Essekibo mintaqasi bilan bog‘liq vaziyatni muhokama qildi, deya qo‘shimcha qiladi gazeta.




Manba: www.aniq.uz