2019-2023 yillarda Rossiya qurol eksporti 2014-2018 yillarga nisbatan 53 foizga kamaydi.

Bu haqda Stokgolm xalqaro tinchlik tadqiqot instituti (SIPRI) hisobotida aytiladi.

Qayd etilishicha, Rossiya birinchi marta eng yirik qurol eksportchilari orasida uchinchi o‘ringa tushib, Fransiyaga ikkinchi o‘rinni boy bergan (o‘sish 47%).

Shu bilan birga, birinchi o‘rinni AQSh egallab turibdi, u avvalgi besh yillik davrga nisbatan savdo hajmini 17 foizga (jahon bozorining 42 foizi) oshirdi.

Institutning 2018-2022 yillardagi qurol savdosi holati haqidagi avvalgi hisobotiga ko‘ra, eksport hajmi bo‘yicha AQSh va Rossiya yetakchilik qilgan.


Manba: www.aniq.uz