Aleksey Navalniy xotirasiga gul qo‘yish chog‘ida hibsga olinganlarning xatti-harakatlari «muvofiqlashtirilmagan ommaviy aksiyada ishtirok etish» deb baholandi, deya xabar bermoqda huquq himoyachilari.

Muxolifatchi siyosatchi Aleksey Navalniy vafotidan keyin ikki hafta ichida, 16 fevraldan 28 fevralgacha Moskva sudlari miting o‘tkazish qoidalarini buzganlik bo‘yicha 39 ta ma’muriy ish qo‘zg‘atgan. Bu haqda 10 mart, yakshanba kuni kechqurun Moskva shahar umumiy yurisdiksiya sudlari rasmiy portaliga tayanib «Pravozashita» va «Sudebnie krossovki» Telegram-kanallari yozdi.

«Ushbu ishlarning 8 tasi hali ko‘rib chiqilmagan, bittasi polisiyaga qaytarilgan, qolganlari bo‘yicha qarorlar chiqarilgan, shundan atigi 15 tasi e’lon qilingan - ularning aksariyati G‘am devori va Soloveskiy toshiga gul qo‘yish bilan bog‘liq», deyiladi postda.

Qayd etilishicha, 17 fevral kuni kamida uch kishi Navalniy xotirasiga gul qo‘yish bilan bog‘liq ish yuzasidan ma’muriy hibsga olingan. Hibsga olinganlarning harakatlari piyodalar harakatiga to‘sqinlik qiluvchi «muvofiqlashtirilmagan ommaviy aksiyada ishtirok etish» deb baholandi.




Manba: www.aniq.uz