Isroil ishg‘ol ostidagi G‘arbiy Sohilda yashovchi falastinliklarga Ramazon oyining birinchi tarovih namozini Islomning eng muqaddas joyi – Sharqiy Quddusdagi "Al-Aqso" masjidida o‘qishni taqiqladi.

Guvohlarning so‘zlariga ko‘ra, Isroil polisiyasi "al-Aqso"ga faqat 40 yoshdan oshgan ayollar va erkaklarga kirishga ruxsat bergan, biroq yuzlab falastinliklarga ruxsat bermagan.

Guvohlarning aytishicha, Ramazon oyining ilk tarovihini o‘qish uchun kelgan ko‘p sonli falastinlik Haram ash-Sharif darvozasi oldida to‘plangan va Isroil polisiyasi falastinliklarga qarshi kuch ishlatib, masjid-i Aqsaga kirishiga to‘sqinlik qilgan.

Isroil hukumati 5 mart kuni bergan yozma bayonotida, o‘ta o‘ngchi hamkorlar talabiga zid ravishda Falastinliklarning ishg‘ol ostidagi Sharqiy Quddusdagi "Al-Aqso" masjidida Ramazon oyida ibodat qilishlarini cheklamasligini bildirdi.

Falastinliklar Sharqiy Quddus kelajakdagi mustaqil Falastin davlatining poytaxti ekanligini, biroq Isroil Sharqiy Quddusni, jumladan, "Al-Aqso" masjidini yahudiylashtirish orqali o‘z kimligini o‘zgartirishga harakat qilayotganini ta’kidlamoqda.


Manba: www.aniq.uz