Erondagi Chahorshanbe-Suriy yangi yil bayrami oldidan o‘tkazilgan tadbirda 4 mingdan ortiq kishi jarohat oldi, ulardan 26 nafari halok bo‘ldi, deb xabar berdi Mehr.

Ko‘chalarda gulxan yoqish va pirotexnika vositalaridan foydalanish oqibatida kamida 26 kishi halok bo‘lgan. O‘tgan yili ushbu bayram chog‘ida 700 dan ortiq kishi jarohatlangan, kamida 17 kishi halok bo‘lgan edi.

Chahorshanbe-Suriy - Eronda yangi yil — Navro‘z arafasidagi qadimiy olov bayrami bo‘lib, bahor kelishi va tabiatning qayta tug‘ilishini anglatadi. An’anaga ko‘ra, eronliklar shirin va nordon yong‘oqlarning maxsus aralashmasini iste’mol qiladilar va kechqurun ko‘chalarda gulxan yoqib, uning ustidan sakrab o‘tadilar. Shuningdek, pirotexnika vositalaridan ham foydalanadilar.






Manba: www.aniq.uz