Xitoy Tashqi ishlar vazirligi matbuot kotibi Van Venbin Xitoyning ByteDance kompaniyasiga TikTokni blokirovka qilish tahdidi ostida sotishni buyurgan AQSh qonun loyihasiga izoh berdi.

"Agar (kimdir) boshqa odamdan yaxshi narsalarni ko‘rsa va har qanday yo‘l bilan ularni o‘ziga olishga harakat qilsa, bu butunlay gangster mantiqidir", dedi Van Venbin. Uning so‘zlarini RIA Novosti keltirmoqda.

Uning qo‘shimcha qilishicha, agar “milliy xavfsizlik nuqtai nazaridan” boshqa mamlakatlarning taniqli kompaniyalariga o‘zboshimchalik bilan bosim o‘tkazish uchun foydalanilsa, unda hech qanday adolat bo‘lmaydi.

"Vakillar palatasi tomonidan qabul qilingan qonun loyihasi Qo‘shma Shtatlarni halol raqobat tamoyillari va xalqaro iqtisodiy va savdo qoidalariga qarama-qarshi tomonda qo‘yadi", - dedi Van Venbin.




Manba: www.aniq.uz