Marokash qirollik dengiz floti qirg‘oq qo‘riqlash xizmati bortida 52 nafar noqonuniy muhojir, jumladan 5 nafari ayol bo‘lgan Kanar orollariga (Ispaniya) ketayotgan kemani qo‘lga oldi.

“Report” TASS agentligiga tayanib, kema Marokashning Atlantika okeani sohilidagi Tarfaya shahridan 33 km janubi-g‘arbda qo‘lga olinganini ma’lum qildi.

Ma’lum bo‘lishicha, barcha muhojirlar Sahroi Kabirdan janubda joylashgan Afrika davlatlaridan. Ularga zarur yordam ko‘rsatilgach, Tarfaya portiga olib ketilib, qirollik jandarmeriyasiga topshirildi.

Evropadan Gibraltar tor bo‘g‘ozi bilan ajratilgan Marokash uzoq yillar davomida Afrika davlatlaridan Yevropa Ittifoqiga o‘tmoqchi bo‘lgan noqonuniy muhojirlar uchun tranzit mamlakat bo‘lib kelgan. Muhojirlar oqimining asosiy yo‘nalishi Ispaniyadir.




Manba: www.aniq.uz