Rossiyada prezidentlik saylovi uchun ovoz berish boshlangan, jarayon 17 martga qadar davom etadi. Mamlakatni 2000 yildan buyon boshqarib kelayotgan amaldagi davlat rahbari Vladimir Putin beshinchi marta prezidentlikka nomzodini qo‘ygan.

“Anadolu” mamlakat yetakchisi Xavfsizlik kengashi yig‘ilishida Kiyev hujumi bilan Rossiya Federasiyasidagi saylovga aralasha olmasligini ta’kidlaganiga urg‘u bergan.

Putin ma’lum qilishicha, Rossiya havo mudofaasi Kiyev hujumining 95 foizini qaytarmoqda.

– Ukraina Qurolli kuchlari 2,5 mingdan ortiq askar, 35 tank ishtirokida mintaqamizga hujum qilishga urindi, ammo harakat muvaffaqiyatsiz, – dedi davlat rahbari.

Yig‘ilishda Ukraina qo‘shinlari katta yo‘qotish bilan chekingani qayd etilgan, RFga qilingan hujum javobsiz qolmasligi ta’kidlangan.

– Ukraina Qurolli kuchlari hujumidan jabrlangan fuqarolarga zarur yordam kshrsatiladi, – deya vaziyatga izoh berilgan.
Manba: www.aniq.uz