"Bu Yevropa Ittifoqining 50 milliard yevrolik yangi qo‘llab-quvvatlash dasturi doirasidagi birinchi transh bo‘ladi", — deya ma’lum qildi Yevrokomissiya rahbari Ursula fon der Lyayen Kiyevda Ukraina bosh vaziri Denis Shmigal bilan uchrashuvdan so‘ng.

Lyayenning so‘zlariga ko‘ra, u tashrifi chog‘ida Ukraina rasmiylari bilan Polsha bilan chegaradagi Ukraina mahsulotlari eksporti bo‘yicha muammolar va mudofaa sohasida hamkorlikdagi ishlarni muhokama qilgan.

Evropa Ittifoqi davlatlari 2024 yil 1 fevralda Bryusselda bo‘lib o‘tgan sammitda Ukrainaga 50 milliard yevro miqdorida uzoq muddatli yordam ko‘rsatishga kelishib oldi. Yordam paketi to‘rt yilga mo‘ljallangan bo‘lib, u 33 milliard yevro miqdoridagi kreditlarni va 17 milliard yevro miqdoridagi qaytarilmaydigan grantlarni o‘z ichiga oladi. Mablag‘ni olish uchun Kiyev demokratik tamoyillar va inson huquqlarini hurmat qilishi kerakligi belgilangan.




Manba: www.aniq.uz