AQSh va Buyuk Britaniya Eron tomonidan qo‘llab-quvvatlangan Yamanning Ansorulloh harakati (husiylar) tomonidan nazorat qilinadigan Yaman poytaxti Sana shahriga havo hujumi uyushtirdi.

Bu haqda huciylarga qarashli Al-Mesira telekanali xabar berdi.

Hodisaning boshqa tafsilotlari keltirilmagan.

AQSh yoki Buyuk Britaniyadan hozircha hech qanday izoh yo‘q.

Avvalroq husiylar Adan ko‘rfazi orqali Amerika bayrog‘i ostida suzib kelayotgan MV Torm Thor neft tankeriga hujum qilgan edi. Bu haqda harakat vakili Yahyo Sarea xabar berdi.

AQSh Markaziy qo‘mondonligi (CENTCOM) USS Mason esminetsi tankerga otilgan raketani urib tushirganini ma’lum qildi. Xabarda aytilishicha, USS Mason va MV Torm Thor kemalariga zarar yetmagan.
Manba: www.aniq.uz