Ukraina harbiylari Avdeevka yaqinidagi Lastochkino qishlog‘idan chekindi. Bu haqda Ukrainaning «Tavriya» operativ-strategik kuchlari spikeri Dmitriy Lixoviy milliy telemarafonda ma’lum qildi.

Uning so‘zlariga ko‘ra, bunday manyovr Orlovka, Tonenko, Berdich aholi punktlari chizig‘i bo‘ylab mudofaani tashkil qilish va dushmanning g‘arbga qarab yanada oldinga siljishining oldini olish uchun zarur bo‘lgan.

24 fevral oqshomida bir qator Telegram kanallar Avdeevka yo‘nalishida jang qilayotgani aytilayotgan ukrainalik harbiylarga tayanib, Lastochkino qishlog‘i ishg‘ol qilingani haqida yozgandi. DeepState tahliliy kanali ham xuddi shunday bayonot bilan chiqdi.

Ukraina Bosh shtabi bunga e’tiroz bildirmadi ham, tasdiqlamadi ham, faqat janglar davom etayotganini yozdi.




Manba: www.aniq.uz