Peru hukumati dang isitmasi bilan kasallanganlar soni ortib borayotgani sababli mamlakatning 20 ta hududida favqulodda holat e’lon qilishga tayyorlanmoqda.

Bu haqda RPP radiostansiyasi ma’lum qildi, deb xabar beradi «Report».

“Dang virusi tarqalishi munosabati bilan 20 ta hududda favqulodda holat e’lon qilish masalasi ko‘rib chiqilmoqda. Farmon tafsilotlari yaqin soatlarda tasdiqlash uchun yakunlanmoqda", dedi Peru sog‘liqni saqlash vaziri Sezar Vaskes Sanches.

Qayd etilishicha, joriy yilda mamlakatda 24 981 ta virus infeksiyasi va 28 ta o‘lim holati qayd etilgan.




Manba: www.aniq.uz