Qozog‘istonning Oqmo‘la viloyatida fermerlar otlarning ommaviy nobud bo‘lgani sababli favqulodda holat e’lon qilishni so‘ramoqda. Hayvonlar to‘g‘ridan to‘g‘ri yaylovlarda ochlikdan o‘lmoqda. Bu haqda KTK xabar berdi.

Fermerlarning aytishicha, otlar yozdan buyon holdan toyishni boshlagan. Issiqlik tufayli yaylovlardagi maysalar yonib ketgan. Anomal qish esa oziq-ovqat tanqisligi muammosini og‘irlashtirgan. Hayvonlarning qor ostidan o‘t olishga holi yo‘q. Ular dashtda nobud bo‘lmoqda.

Cho‘ponlar podani qishloqlarga qaytara olmaydi: yo‘llar qor bilan qoplangan. Veterinariya shifokorlarining ma’lumotlariga ko‘ra, viloyatda allaqachon 200 ga yaqin ot ochlikdan nobud bo‘lgan. Mutaxassislar o‘limga ochlik sabab bo‘lganiga shubha qilmaydi.






Manba: www.aniq.uz