Qasim-Jomart Toqayev Rossiya Prezidenti Vladimir Putin bilan telefon orqali muloqot qildi, deya xabar beradi Kazinform agentligi Aqordaga tayanib.



Telefon orqali muloqot chog‘ida davlat rahbarlari ikki tomonlama ko‘p qirrali hamkorlik strategik sheriklik va ittifoqchilik ruhida jadal rivojlanib borayotganini ta’kidladilar.



Suhbatdoshlar Rossiya Prezidentining o‘tgan yilning noyabr oyida Astana shahriga rasmiy tashrifi va Qozog‘iston rahbarining yaqinda Qozonga amalga oshirgan amaliy tashrifi chog‘ida erishilgan kelishuvlarni amalga oshirishning borishini muhokama qildilar. Energetika, tranzit va logistika sohalarida qo‘shma loyihalarni samarali ilgari surish muhimligi qayd etildi.


Manba: www.aniq.uz