Fransiya prezidenti bu haqda Chexiyaning Novinky nashriga bergan intervyusida ma’lum qildi.

"Ukrainani qo‘llab-quvvatlashning barcha variantlarini ko‘rib chiqish biz yaqin kelajakda fransuz qo‘shinlarini Ukrainaga yuborishni rejalashtirayotganimizni anglatmaydi. Biz muhokamalarni boshlayapmiz va Kiyevni, xususan, Ukraina hududida qo‘llab-quvvatlash uchun qilinishi mumkin bo‘lgan barcha choralarni hisobga olamiz", — deya tushuntirdi Makron.

Prezident, shuningdek, o‘z pozisiyasini har doim aniq ifodalab kelganini, unga ko‘ra Fransiya Rossiya bilan urush holatida emasligini va mojaroni kuchaytirishga intilmasligini qo‘shimcha qildi.






Manba: www.aniq.uz