Bayden va Tramp prezidentlikka nomzodlik uchun ovozlari zarur bo‘lgan eng ko‘p delegatlarni ta’minlovchi Kaliforniya va Texasda mos ravishda Demokrat va Respublikachilar partiyalari praymerizlarida g‘alaba qozonishdi.

Respublikachilar partiyasidan nomzodlik uchun kurashda Trampning asosiy raqibi Nikki Xeyli "super seshanba" kuni faqatgina Vermont shtatida g‘alabani qo‘lga kiritdi. Endilikda, u nomzod bo‘lish uchun real imkoniyatlarga ega emas.

Jo Bayden "super seshanba"da faqatgina Amerika Samoasi hududida mag‘lub bo‘ldi. Bu hududda biznesmen Jeyson Palmer g‘alaba qozongan.

OAV kutilmalariga ko‘ra, Bayden Ayova, Vermont, Virjiniya, Shimoliy Karolina, Oklaxoma, Tennessi, Men, Massachusets, Texas, Arkanzas, Alabama, Kolorado, Minnesota, Yuta va Kaliforniya shtatlarida g‘alaba qozongan.

Tramp Virjiniya, Shimoliy Karolina, Oklaxoma, Tennessi, Men, Texas, Arkanzas, Alabama, Kolorado, Minnesota, Massachusets va Kaliforniyada g‘alaba qozongan.


Manba: www.aniq.uz