Mamlakatning “Panorama TV” yangiliklarida aytilishicha, Otarola hozircha ismi oshkor etilmayotgan begona ayol bilan ishqiy munosabatda bo‘lgan. Teledastur ular o‘rtasida bo‘lib o‘tgani aytilayotgan audioyozuvni efirga uzatgan.

Otarola o‘zining “X” akkauntidagi postiga ko‘ra, u har qanday noqonuniy xatti-harakatlar sodir etganini rad etgan va shu bilan birga audioyozuv haqiqiy ekanligini tan olgan.

– Men xalqdan bir sent ham o‘g‘irlaganim yo‘q, -deb yozadi Otarola. –Mening ma’muriyatimda tartibsiz shartnomalar bo‘lmagan.

Bosh vazir Peru siyosatida kuchli mavqega ega bo‘lib, Prezident Administrasiyasini boshqaradi va Kongress bilan aloqa qiladi. Davlatning avvalgi Prezidenti davrida mudofaa vaziri sifatida ishlagan Otarola siyosiy jihatdan kamroq tajribaga ega Boluarte ma’muriyatida hukumatning bosh vakili va yuzi sifatida muhim rolga ega edi.

Otarolaning ketishi o‘tgan oy moliya, energetika va konlar bo‘yicha vazirlar almashtirilganidan keyin sodir bo‘lmoqda.

Unga qarshi ayblovlar bo‘yicha tergov davom etar ekan, asosiy e’tibor Prezident idorasiga va uning inqirozga munosabatiga qaratiladi. Otarolaning o‘rniga kim saylanishi mamlakat ichida ham, xalqaro miqyosda ham diqqat markazida bo‘lib turibdi.
Manba: www.aniq.uz