Britaniya tashqi ishlar vaziri Devid Kemeron Markaziy Osiyo davlatlariga tashrif buyurishni rejalashtirmoqda. Bu haqda u 5 mart kuni bo‘lib o‘tgan parlament debatida to‘xtalib o‘tdi.

“Biz butun dunyo bo‘ylab ittifoq va sheriklik tarmog‘imizni mustahkamlash tarafdorimiz. Markaziy Osiyo biz yaxshiroq ishlashni istagan tarmoqlardan biridir. Men u yerga tashrif buyurishni rejalashtiryapman. U yerda qaysi soha va korxonalar, ta’lim muassasalari bilan hamkorlik qilishimiz kerakligini biladigan barcha bilan davra suhbati o‘tkazaman”, - dedi Devid Kemeron.

Eslatib o‘tamiz, o‘tgan yilning dekabrida 2024 yilda Britaniya rahbariyatining Markaziy Osiyo davlatlaridan bo‘lgan hamkasblari bilan S5+1 formatida sammiti o‘tkazilishi rejalashtirilgani ma’lum bo‘lgan edi. Britaniya parlamentida taqdim etilgan hisobotda mualliflar Britaniya vazirlari bilan O‘zbekiston, Qozog‘iston, Qirg‘iziston, Tojikiston va Turkmaniston hukumatlari o‘rtasidagi o‘zaro hamkorlik samarasiz ekani tanqid qilingan, shuningdek, Britaniya hukumatini Rossiya va Xitoyning mintaqadagi ta’siriga faolroq qarshi turishga chaqirgan edi.






Manba: www.aniq.uz