Portugaliya bosh vazir Antonio Kosta korrupsiya mojarosi tufayli iste’foga chiqish qaroridan keyin muddatidan oldin parlament saylovlarini o‘tkazadi .

“Report” xabar berishicha, fuqarolar Respublika assambleyasiga (bir palatali parlament) 230 nafar deputatni saylashlari kerak bo‘ladi.

Saylov uchastkalari mahalliy vaqt bilan soat 08:00da ochiladi va 19:00gacha ishlaydi. Dastlabki natijalar bugun kechqurun e’lon qilinadi.

Ovoz berish dastlab 2026 yilga belgilangan edi. Biroq 2023-yilning noyabrida Portugaliya prezidenti Marselo Rebelo di Souza parlamentni tarqatib yuborish va muddatidan oldin saylovlar o‘tkazish niyatida ekanligini ma’lum qildi. Bu qaror 2015-yilda bosh vazir bo‘lgan sosialist Koshta mahalliy prokurorlar tomonidan litiy qazib olish va vodorod ishlab chiqarish loyihalarida yuzaga kelishi mumkin bo‘lgan qonunbuzarliklar yuzasidan olib borilgan tergov chog‘ida iste’foga chiqishini e’lon qilganidan keyin qabul qilindi.

Portugaliya polisiyasi o‘nlab tintuvlar o‘tkazdi, jumladan Koshtaning rasmiy qarorgohi ham. Mazkur ish yuzasidan bosh vazir ma’muriyati rahbari lavozimida ishlab kelgan Vitor Eshkariya hibsga olingan. Shu bilan birga, prokuratura Koshtaning o‘ziga nisbatan hech qanday rasmiy ayblov qo‘ymagan.


Manba: www.aniq.uz