9 mart, shanba kuni ertalab Ukraina dronlarining hujumi natijasida Rossiyaning Taganrog aviasiya zavodi va “uchar radar” deb ataluvchi A-50 samolyoti yo‘q qilingan. Bu haqda xalq deputati Aleksey Goncharenko o‘z manbalariga tayanib ma’lum qildi.

“Taganrog aviazavodi va u yerda modernizasiya qilinayotgan A-50 samolyoti nUkraina qurolli kuchlarining tonggi hujumlari oqibatida yo‘q qilindi. Menga bu axborotni tasdiqlab berishdi”, — deb yozdi Goncharenko.

Eslatib o‘tamiz, 9 martga o‘tar kechasi Rossiya havo hujumiga qarshi mudofaa vositalari mamlakatning to‘rtta hududida 47 ta uchuvchisiz uchar qurilmalarni tutib qolgan va yo‘q qilgan. Rossiya Mudofaa vazirligi hujumda “Kiyev rejimi”ni aybladi.

Baza Telegram-kanali Rostov viloyatida Ukraina dronlari Beriyev nomidagi ilmiy-texnik majmua tarkibiga kiruvchi aviasiya korxonasi hududiga zarba berishga uringanini xabar qilgandi. Ushbu zavod A-50 razvedkachi samolyotlarni ta’mirlash va modernizasiya qilish bilan shug‘ullanadi.




Manba: www.aniq.uz