AQShning sobiq prezidenti Donald Trampning aytishicha, agar u noyabrdagi prezidentlik saylovlarida g‘alaba qozonsa, uning birinchi harakatlaridan biri 2021 yil 6 yanvarda Kapitoliyga uyushtirilgan hujum bilan bog‘liq jinoyatlarda ayblangan va sudlanganlarni ozod etish bo‘ladi. Bu haqda u Truth Social ijtimoiy tarmog‘idagi sahifasida yozgan.

“Keyingi prezident sifatidagi birinchi harakatlarim chegarani yopish va 6 yanvar kuni noqonuniy qamoqqa olingan garovga olinganlarni ozod qilish bo‘ladi”, – dedi Tramp.

Tramp bir necha bor prezident Jo Baydenni ularni ozod qilishga chaqirgan, u muntazam ravishda ayblanuvchilarni “garovga olinganlar” deb ataydi. Oq uy bu taqqoslashni «grotesk» deb atadi.






Manba: www.aniq.uz