Xo‘sh, bugun faoliyat olib borayotgan beshta siyosiy kuch aholi ichiga qay darajada kirib bora olgan? Fuqarolarning siyosiy partiyalarga nisbatan ishonchi, intilishi qay darajada? Bu borada siyosiy partiyalarning umumiy a’zolari sonidan kelib chiqqan holda ham xulosa qilish mumkin.

Siyosiy partiyalarning O‘zAga taqdim etgan statistik ma’lumotlariga ko‘ra, Tadbirkorlar va ishbilarmonlar harakati — O‘zbekiston Liberal-demokratik partiyasining 2024 yil 1 yanvar holatiga jami a’zolari soni 1 million 330 ming 364 nafardan iborat.

“Adolat” sosial-demokratik partiyasining umumiy a’zolari esa 630 ming 338 nafardan iborat.

O‘zbekiston Ekologik partiyasining a’zolari 622 ming 413 nafarga yetgan.

O‘zbekiston Xalq demokratik partiyasi a’zolarining jami soni 583 ming 141 nafar bo‘lsa, O‘zbekiston “Milliy tiklanish” demokratik partiyasining umumiy a’zolari soni 392 ming 425 nafarni tashkil etadi.

Yuqoridagi raqamlardan ko‘rish mumkinki, O‘zbekiston Liberal-demokratik partiyasi o‘z safida eng ko‘p a’zolarni jamlagan siyosiy kuchdir. “Adolat” SDP ikkinchi o‘rinni egallagan. Tashkil etilganiga endi 5 yil to‘lgan O‘zbekiston Ekologik partiyasi esa a’zolari soni bo‘yicha uchinchi o‘rinni egallagan. Undan keyingi ketma-ketlikda esa XDP va O‘zMTDP joy olgan.
Manba: www.aniq.uz