O‘zbekiston elchisi Yaponiyaning Gifu prefekturasi gubernatori bilan hududlararo aloqalarni yo‘lga qo‘yish istiqbollarini muhokama qildi
Bo'limi
Siyosiy yangiliklar, Сиёсий янгиликлар, Политические новости, Political news
Buyurtma berish
O‘zbekiston elchisi Muhsinxo‘ja Abdurahmonov Yaponiyaning Gifu prefekturasi gubernatori Furuta Xajime bilan muzokaralar o‘tkazdi, deb xabar qilmoqda «Dunyo» AA muxbiri.
Muloqot chog‘ida O‘zbekiston va Yaponiya hududlari o‘rtasida o‘zaro aloqalarni rivojlantirish masalalarini muhokama qilindi.
O‘zbekiston va Yaponiya hududlari ko‘plab sohalarda samarali hamkorlik qilib kelayotgani qayd etildi. Toshkent-Nagoya, Samarqand-Nara, Rishton-Maydzuru shaharlari o‘rtasida o‘rnatilgan yaqin munosabatlar yuqori baholandi.
Furuta Xajime so‘nggi yillarda O‘zbekistonda amalga oshirilayotgan keng ko‘lamli islohotlarni e’tirof etdi. U Gifu prefekturasi gubernatori sifatida hududlararo xalqaro aloqalarni rivojlantirishga katta ahamiyat qaratishini bildirdi. Shuningdek, O‘zbekiston viloyatlaridan biri bilan birodarlik munosabatlarini o‘rnatishga qiziqish mavjudligi ta’kidlandi.
Uchrashuv yakunida joriy yilda Gifu prefekturasi gubernatorining yurtimizga tashrifini amalga oshirish, shuningdek, O‘zbekistonning iqtisodiy, investisiyaviy va tashqi mehnat migrasiyasi sohasidagi salohiyati taqdimotini o‘tkazish va hududlararo aloqalarni yo‘lga qo‘yish maqsadida mamlakatimiz elchisining Gifu prefekturasiga amaliy safarini uyushtirish to‘g‘risida kelishib olindi.
Manba: www.aniq.uz
Muloqot chog‘ida O‘zbekiston va Yaponiya hududlari o‘rtasida o‘zaro aloqalarni rivojlantirish masalalarini muhokama qilindi.
O‘zbekiston va Yaponiya hududlari ko‘plab sohalarda samarali hamkorlik qilib kelayotgani qayd etildi. Toshkent-Nagoya, Samarqand-Nara, Rishton-Maydzuru shaharlari o‘rtasida o‘rnatilgan yaqin munosabatlar yuqori baholandi.
Furuta Xajime so‘nggi yillarda O‘zbekistonda amalga oshirilayotgan keng ko‘lamli islohotlarni e’tirof etdi. U Gifu prefekturasi gubernatori sifatida hududlararo xalqaro aloqalarni rivojlantirishga katta ahamiyat qaratishini bildirdi. Shuningdek, O‘zbekiston viloyatlaridan biri bilan birodarlik munosabatlarini o‘rnatishga qiziqish mavjudligi ta’kidlandi.
Uchrashuv yakunida joriy yilda Gifu prefekturasi gubernatorining yurtimizga tashrifini amalga oshirish, shuningdek, O‘zbekistonning iqtisodiy, investisiyaviy va tashqi mehnat migrasiyasi sohasidagi salohiyati taqdimotini o‘tkazish va hududlararo aloqalarni yo‘lga qo‘yish maqsadida mamlakatimiz elchisining Gifu prefekturasiga amaliy safarini uyushtirish to‘g‘risida kelishib olindi.
Manba: www.aniq.uz