Akmal Saidov BMT Inson huquqlari bo‘yicha kengashi sessiyasi ishtirokchilarini iqlim o‘zgarishi va inson huquqlariga bag‘ishlangan IV Samarqand forumiga taklif etdi
Bo'limi
Siyosiy yangiliklar, Сиёсий янгиликлар, Политические новости, Political news
Buyurtma berish
Kecha Jenevada Birlashgan Millatlar Tashkiloti Inson huquqlari bo‘yicha kengashining 55-sessiyasi boshlandi, deb xabar qilmoqda "Dunyo" AA muxbiri Inson huquqlari bo‘yicha O‘zbekiston Milliy markazi ma’lumotiga asoslanib.
Sessiyaning Oliy darajadagi segmentida O‘zbekiston Oliy Majlisi Qonunchilik palatasi spikerining birinchi o‘rinbosari, Inson huquqlari bo‘yicha Milliy markaz direktori Akmal Saidov so‘zga chiqdi.
O‘zbekiston vakili mamlakatimizda qonun ustuvorligi, demokratiya va inson huquqlarini ta’minlash sohalarida islohotlarni yanada chuqurlashtirishning ustuvor yo‘nalishlari haqida to‘xtaldi. O‘tgan yil aprelida umumxalq referendumida qabul qilingan yangi tahrirdagi O‘zbekiston Konstitusiyasida Yangi O‘zbekistonning tub mohiyatini tavsiflovchi "beshta ustun" belgilandi. Bu o‘rinda davlatimizning qat’iy va sobit taraqqiyot yo‘li va kelajagini o‘zida aks ettirgan "suveren, demokratik, huquqiy, ijtimoiy va dunyoviy davlat" maqomi haqida so‘z bormoqda.
Yangi tahrirdagi Konstitusiyamizdagi inson huquqlariga oid qoidalar Inson huquqlari umumjahon deklarasiyasi va boshqa xalqaro hujjatlarga to‘liq mos keladi. Konstitusiyada o‘lim jazosini qo‘llash rasman taqiqlangan.
E’tiborlisi, Konstitusiyamizda birinchi marta inson huquqlari bo‘yicha ham xalqaro, ham milliy organlarga murojaat qilish huquqi kafolatlandi. "Miranda qoidalari" va "Xabeas korpus" kabi xalqaro miqyosda tan olingan yuridik institutlar konstitusiyaviy mustahkamlandi. Shuningdek, bepul yuridik yordam ko‘rsatishni nazarda tutadigan "Pro bono" instituti ham konstitusiyaviy maqomga ega bo‘ldi.
Yangi Konstitusiyada birinchi marta fuqarolarning konstitusiyaviy shikoyatlari instituti mustahkamlandi. O‘zbekiston o‘zining xalqaro majburiyatlarini faol bajarib, fuqarolarning odil sudlovdan foydalanish imkoniyatlarini kengaytirmoqda, sud-huquq bazasini isloh qilmoqda. Sud-huquq tizimini rivojlantirishning qisqa muddatli strategiyasi va Harakatlar rejasi tasdiqlandi.
Manba: www.aniq.uz
Sessiyaning Oliy darajadagi segmentida O‘zbekiston Oliy Majlisi Qonunchilik palatasi spikerining birinchi o‘rinbosari, Inson huquqlari bo‘yicha Milliy markaz direktori Akmal Saidov so‘zga chiqdi.
O‘zbekiston vakili mamlakatimizda qonun ustuvorligi, demokratiya va inson huquqlarini ta’minlash sohalarida islohotlarni yanada chuqurlashtirishning ustuvor yo‘nalishlari haqida to‘xtaldi. O‘tgan yil aprelida umumxalq referendumida qabul qilingan yangi tahrirdagi O‘zbekiston Konstitusiyasida Yangi O‘zbekistonning tub mohiyatini tavsiflovchi "beshta ustun" belgilandi. Bu o‘rinda davlatimizning qat’iy va sobit taraqqiyot yo‘li va kelajagini o‘zida aks ettirgan "suveren, demokratik, huquqiy, ijtimoiy va dunyoviy davlat" maqomi haqida so‘z bormoqda.
Yangi tahrirdagi Konstitusiyamizdagi inson huquqlariga oid qoidalar Inson huquqlari umumjahon deklarasiyasi va boshqa xalqaro hujjatlarga to‘liq mos keladi. Konstitusiyada o‘lim jazosini qo‘llash rasman taqiqlangan.
E’tiborlisi, Konstitusiyamizda birinchi marta inson huquqlari bo‘yicha ham xalqaro, ham milliy organlarga murojaat qilish huquqi kafolatlandi. "Miranda qoidalari" va "Xabeas korpus" kabi xalqaro miqyosda tan olingan yuridik institutlar konstitusiyaviy mustahkamlandi. Shuningdek, bepul yuridik yordam ko‘rsatishni nazarda tutadigan "Pro bono" instituti ham konstitusiyaviy maqomga ega bo‘ldi.
Yangi Konstitusiyada birinchi marta fuqarolarning konstitusiyaviy shikoyatlari instituti mustahkamlandi. O‘zbekiston o‘zining xalqaro majburiyatlarini faol bajarib, fuqarolarning odil sudlovdan foydalanish imkoniyatlarini kengaytirmoqda, sud-huquq bazasini isloh qilmoqda. Sud-huquq tizimini rivojlantirishning qisqa muddatli strategiyasi va Harakatlar rejasi tasdiqlandi.
Manba: www.aniq.uz