«Real» yarimhimoyachisi Jud Bellinghem La Liga 27-turidan o‘rin olgan «Valensiya»ga (2:2) qarshi o‘yin tugagach, qizil kartochka oldi.

Qo‘shib berilgan daqiqalarda bosh hakam Xesus Xil Mansano Madrid klubining hujumi yakunlanishini kutmay, final hushtagini chaldi va bundan 2 soniya o‘tib, angliyalik futbolchi gol urdi. Goli inobatga olinmaganidan norozi bo‘lgan Jud hakamga e’tirozlarini bildirib, «Sharmandalik! To‘p allaqachon havoda edi. Nima qilyapsan?» dedi va unga qizil kartochka ko‘rsatildi.

Relevo va COPA nashrlarining yozishicha, «Real» Bellinghemning kartochkasi yuzasidan apellyasiya berdi.






Manba: www.aniq.uz