«An-Nasr» hujumchisi Krishtianu Ronaldu bitta o‘yindan iborat diskvalifikasiyani o‘taganidan keyin ijtimoiy tarmoqlarda o‘zining ilk postini qoldirdi. «Ertangi kunga tayyorman», — deya yozdi portugaliyalik o‘yinchi. «An-Nasr» 4 mart kuni Osiyo chempionlar ligasi chorak final bosqichi doirasida «Al-Ayn» bilan to‘qnash keladi. Ronaldu joriy mavsumda barcha musobaqalar doirasida 29 o‘yinda maydonga tushib, 28 gol va 11 assist muallifiga aylandi. Uning klub bilan shartnomasi 2025 yilga qadar tuzilgan.










Manba: www.aniq.uz