Lionel Messi Amerika Qo‘shma Shtatlarida 2023 yil so‘nggiga kelib eng mashhur sportchiga aylandi. SSRS tashkiloti tomonidani o‘tkazilgan tadqiqot natijasida «Inter Mayami» hujumchisi birinchi o‘rinni egalladi. Mazkur tashkilot 30 yildan beri so‘rovnoma o‘tkazib, unda ishtirok etganlardan o‘zining sevimli sportchisi kim ekanini so‘rab chiqadi. So‘rovnoma har kvartalda bitta o‘tkaziladi. Messi MLSga kelgunga qadar turli davrlarda Maykl Jordan, Tayger Vuds, Peyton Menning, Kobe Brayant, Stefen Karri, Lebron Jeyms va Tom Bredi so‘rovnomalarda g‘olib chiqib kelayotgan edi. Messi 2023 yilning so‘nggi kvartalida eng mashhur sportchiga aylandi va ushbu reytingda yuqori pog‘onani egallagan ilk futbolchiga aylandi. 2023 yilning dastlabki 3 oyida Bredi yetakchilik qilgan bo‘lsa, ikkinchi va uchinchi kvartalda Jordan muxlislar o‘rtasida mashhur bo‘lib kelayotgandi. Messining transferidan so‘ng «Inter Mayami» klubi «Los-Anjeles Gelaksi»ni ortda qoldirib, AQShliklarning eng sevimli klubiga aylandi. Jamoa muxlislari 5 baravar oshib ketdi. Shuningdek, «Inter Mayami» futbol klublari reytingida «Barselona», «Real» va «Manchester Yunayted»dan so‘ng 4-o‘rinni egalladi.










Manba: www.aniq.uz