Erling Xoland Chempionlar Ligasi gollari soni bo‘yicha Serxio Agueroga yetib oldi.

"Manchester Siti" hujumchisi Chempionlar ligasi doirasida "Kopengagen" bilan o‘yinda birinchi bo‘limga qo‘shib berilgan uchinchi daqiqada gol urdi.

Norvegiyalik futbolchi Chempionlar ligasida 37 o‘yinda 41 ta gol urdi. “Shaharliklar” safida o‘ynagan Agueroda ham 79 ta o‘yinda (saralash bosqichidan tashqari) shunday raqam bor.

Xoland va Aguero turnir tarixidagi eng yaxshi to‘purarlar ro‘yxatida 19-o‘rinni egallab turishibdi. Alessandro Del Pyero 42 gol bilan 18-o‘rinda.




Manba: www.aniq.uz