Niderlandiyaning Dalfsen shahrida sambo bo‘yicha "Dutch open" xalqaro turniri o‘tkazildi. Unda mamlakatimizning yosh sambochilari 6 ta oltin, 1 ta kumush va 2 ta bronza medalini qo‘lga kiritdi.

16 ta mamlakatdan 276 nafar o‘smir sportchilar ishtirok etgan turnirda terma jamoamiz a’zolari munosib natijalarni qayd etdi.

O‘zbekiston terma jamoasi a’zolaridan Stepan Zyablov, Akmal Azimov, Ivan Zyablov, Shohrux Nasibullayev, Muhammadxon Nasimov, Ruslan Shakirov oltin medalga musharraf bo‘ldi.

Hamyurtlarimizdan Daniel Suleev kumush va Umid Sultonov, Ferdausi Lutfitdinov bronza medali bilan terma jamoamiz muvaffaqiyatiga hissa qo‘shdi.




Manba: www.aniq.uz