"Real"ning 34 yoshli himoyachisi Nacho Fernandes faoliyatini Italiya A Seriyasining top-klubida davom ettirishi mumkin. Bu haqda Todofichajes xabar bermoqda.

Manbaning yozishicha, ispaniyalik futbolchiga "Milan" qiziqish bildirmoqda. "Rossonerilar" Fernandesni tekinga qo‘lga kiritishi mumkin, chunki uning "Los-Blankos" bilan shartnomasi kelasi yozda tugaydi.

Nacho "Qirollik klubi"da 2012 yildan buyon o‘ynab kelmoqda. Joriy mavsumda himoyachi Ispaniya chempionatining 17ta uchrashuvida ishtirok etdi. Fernandes bitta sariq kartochka oldi va ikki marta maydondan chetlatildi. Nachoning transfer narxi besh million yevroga baholanmoqda.






Manba: www.aniq.uz