Kataloniyaning “Barselona” klubi bosh murabbiyi Xavi Ernandes “Xetafe” ustidan qozonilgan yirik g‘alabadan so‘ng (4:0) mavsum yakunida ketishi haqida yana bir bor fikr bildirdi.

“Men bundan afsuslanmayman. Men uchun ham, "Barsa" uchun ham to‘g‘ri qaror qabul qilindi. Muxlislarimizga qo‘llab-quvvatlaganliklari uchun rahmat aytaman, lekin buni qilish kerak edi. Hozir jamoa ajoyib motivasiya ko‘rsatmoqda”, - dedi mutaxassis.

Kechagi g‘alaba evaziga “blaugrana” “Jirona”dan o‘zib ketdi va turnir jadvalida ikkinchi o‘ringa ko‘tarilib oldi. "Barselona" birinchi o‘rindagi "Real"dan 5 ochko ortda qolmoqda.






Manba: www.aniq.uz