Boks bo‘yicha turli yosh toifalarida o‘tkaziluvchi qit’a chempionatlarining sana hamda manzillari e’lon qilindi.

Osiyo boks konfederasiyasi ma’lumotiga ko‘ra, joriy yilning 25 aprel — 10 may kunlari Qozog‘istonning Ostona shahrida 22 yoshgacha bo‘lgan bokschilar hamda yoshlar o‘rtasidagi Osiyo birinchiligi tashkil etiladi.



Shundan so‘ng, 21 avgust — 3 sentyabr kunlari Birlashgan Arab Amirliklarining Abu-Dabi shahrida o‘smirlar hamda maktab yoshidagi o‘g‘il-qizlar o‘rtasida qit’a chempionati bo‘lib o‘tadi.



Kattalar o‘rtasidagi Osiyo chempionati esa 30 noyabr — 12 dekabr kunlari Iordaniyaning Amman shahri mezbonligida o‘tadi.
Manba: www.aniq.uz