Tunisning Monastir shahrida Xalqaro tennis federasiyasi tomonidan “Fyuchers” turkumiga kiruvchi musobaqa o‘tkazilmoqda.

Mukofot jamg‘armasi 15 ming AQSh dollarini tashkil etuvchi xalqaro turnirda hamyurtimiz Maksim Shin yakkalik bahslarning ilk davrasida burundilik Alan Gatotoga qarshi kortga chiqib, 6:3, 6:3 hisobida mag‘lubiyatga uchratdi. Endi Maksim chorak finalga chiqish uchun belgiyalik Simon Byupeynga qarshi bahs olib boradi.

Tennischimiz juftlik bahslarida rossiyalik Dmitriy Vasilev bilan tandem hosil qildi va birinchi davrada yaponiyalik Yua Tak hamda belgiyalik Torsk Benoit juftligini 6:4, 6:2 hisobida mag‘lubiyatga uchratdi.






Manba: www.aniq.uz